上一篇blog先講完好開心，因為今日唔駛早起身，但唔知做乜鬼...我....今日五點幾起左身....但係我二點先訓，五點起左身.....唔係好合理所以就再逼自己訓.....訓到八點又起左身....搞乜....
個人好似好精神，但都逼自己再訓，因為我怕今晚會眼訓.....點知成日都聽到啲人係度彈電子琴，有啲嘈，咁不如起身....
起左身打左世界樹迷宮，太好～～去到b14/f，加左個新既角色入去，我想佢企前面，不過lv太低宜家好易俾人打死，之前換左個武者入黎，係癈既我覺得，攻擊力OK但防御幾乎白痴，佢又咁啱lv30，我就引退左佢換個新血入黎～～打左一陣又有啲累所以轉去用電腦...不過其實都會眼累...
好奇咁開一開個facebook周圍望下，但係我發覺我都係仲未適合開返個facebook，所以都係close返佢～
原先打算完左晚宴就同啊素同娜姐去飲下野傾下計，不過都係唔得啦，可能要返中心因為～～～～實有好多手尾～～～～但係唔緊要啦，之後放三日假都好開心～～～～～下個月又多假，感覺成日都放假咁，補假中心又要逼人攞埋去.....
前幾日陪搞笑同事去睇衫好搞笑，見到件衫幾十蚊勁大聲話貴呢個情景好搞笑 (令我諗起有一次食海膽，佢好疑惑咁望住個侍應講，咦，乜一板唔係好似乒乓球枱咁大架咩？)我有件新衫我覺得都ｏｋ，我個日有著叫佢估下幾多錢，佢勁快話廿蚊，好hurt咯...(不過我同佢講左係超平...)，我勁話搞錯佢話八十...(咁都好啲...)，不過...其實我買左三十幾蚊～～～件衫OK架，我真係見到好平個款又OK，即買左兩隻色，哈哈，係咪好cheap～～～不過講開呢個同事，我覺得佢係好多衫，分分鐘多過啲女仔，嗯...我覺得佢啲衫係多過我....
感謝主丫～其實呢排我都睇開左好多，之前對M同事不滿同唔開心都冇咩啦，但係有時見到佢啲行為個一刻都會有少少睇唔過眼，但又冇話特別唔開心同埋炆，但係好搞笑，尋日個個忙都甩肺既情況下，佢又開個月曆出黎睇，我幾乎日日都見到佢開住個月曆睇，個月曆係show下中心邊一日有咩活動丫，有咩特別野做丫，有咩會開呢啲咁既野，唔知做乜佢日日開住，尋日都仲開住係咁睇....(流晒汗我真係)。
下午個陣啊總叫佢唔好出去，跟住佢好激動咁同啊總講：我要幫Piano去攞野丫！(懶我！搞錯丫！好似我累佢出去咁咯....其實係佢自己同我講佢要出去，我叫佢順便幫我攞啲野之嘛...)，之後又開住個月曆周圍同人講佢好busy又話要出去跟住又跑返黎中心做野，仲對我好惡
....我話俾搞笑同事知，之後咁啱啊M經過我地個度，佢好搞笑咁話：(勁高音)今日仲睇月曆，好野喎！(我真係勁辛苦笑得)，啊M同事又冇野喎，隔左一陣又走返黎我地個度講左句野，但無一個字聽得明，真係完全唔知佢講乜，即係成句野係用一啲完全唔相關既字，硬夾砌左句野出黎，因為每個字同每個字都唔相連既關係，所以我都唔記得佢講左乜野，但聽完之後我同搞笑同事呆左一陣，勁係度爆笑～～～就好似....你開左速成輸入法，之後亂拍一咋字出黎既效果一樣....存貿永分來甲杖蚱...大概咁上下～～咁你話你會唔會記得或者知佢講乜？
其實頭先講話都係唔用facebook個度有少少唔開心，不過諗返呢啲搞笑野同打緊個時又開心返，因為個情景真係好搞笑～～
講起搞笑野，又俾啲得意同搞笑既野大家睇下：
